فتاوي الامام النووي

القول الفصل وأهم العلامات.. لتفرقي سيدتي بين الحزن والهرمونات : 1 قاعدة : أي حزن بسبب أكل لا يعول عليه. لما تعيطي علشان علبة الحلاوة خلصت ، أو الديليفري اتأخر ، أو ابنك الصغير أكل آخر كيس جيلي كولا ، أو كوك دور مابقاش يحبك زي زمان ونسي إنك مش بتحبي مايونيز على السوبر كرانشي.. تأكدي أن حزنك مزيف واهبل وغير حقيقي. 2 الفراغ العاطفي المفاجئ وإحساسك الملح إنك محتاجة « احتواء ». ولا الهوا بأه ، انتي كده زي الفل ، اشتري مني ، انتي أصلا اخترتي كلمة « احتواء » بالتحديد علشان انتي مش محتاجة أي حاجة خالص وبتلوشي! هو الإنسان ممكن يجيله نقص احتواء إزاي لا مؤاخذة ؟ بيحس بإيه ؟ محدش بيحتاج احتواء ، احتواء مش كلمة أصلا! ده لفظ فضفاض كده لجر الشكل! احتويني! أيوة يا ست الكل أنا عينيا ليكي يعني بس اللي هو إزاي ؟ معرفش! احتويني وخلاص! مش عارف تحتويني ؟ طب طلقني! 3 حزنك على شكلك! اللي أكيد ملحقش يتغير عن الخميس اللي فات لما كنتي نازلة وحاسة إنك برلنتي عبد الحميد! اطمني واهبطي! انتي لا تخنتي ولا عجزتي ولا فيه فيفتي شيدز أوف هالات سودا ولا حاجة! ( يتبع جوا بقى علشان مفيش مكان… ).