الوحي

أنا الحبيس ، حبيس نفسي ، حبيس شيطاني ، بخاف منه ، عارف إنه ذكي ، وعارف إني طيب ، مش عارف مين فينا اللي هايعيش ومين هايفضل حبيس ، مستني ” الوحي ” ينزل عليه ، ” الوحي ” اللي بييجي يا في صورة ملاك ، يا في وسوسة شيطان ، زي القرين ، اللي هما في الحقيقه اتنين ، واحد راضي باللي إنت فيه دلوقتي ، والتاني عايزك تروح في الاتجاه التاني ، ممكن الوحش يصبح كويس ، وممكن الطيب يمسي شيطان. بس هايفضل جوا كل واحد فينا حبيس.